Vi prøver ein ny vri på årsmøtet og kombinerer det med ein hyttekveld med god mat og drikke, og for dei som har høve til å vera over til lørdag og evt. sundag: Litt dugnadsarbeid, ein tur dersom veret tillet det og  planlegging av drifta av hytta framover.  Meld gjerne frå om du kjem på tlf. 55 51 05 88/90 61 63 59  innan dagen før.

Alle tar med ein betre middag til fredagskvelden (biff eller liknande).

Plan for drift av hytta vinteren 2004:
 

Ei helg kvar månad disponibel for arrangement:

14.-16. januar             11.-13. februar Årsmøte     12.-13. mars: Sunnaburenn

15.-17. april                                        

Alle andre helger og veker prøver vi å leige ut eller stille disponibel som gratis veke/helg for långivarar

Fordeling av hytta skjer slik i sesongen (januar-april):

For utleige ei helg:

gjeld "først til mølla" etter det tidspunkt. Inntil ei helg kvar månad kan "seljast" på førehand utan tidsfrist til eksterne/interne leigetakarar. Hyttestyret kan dermed straks svare ja på forspørsler om hytteleige framover i tid.

Dei helgane hytta står disponibel for medlemer (ei helg kvar månad):

Dersom ingen har meldt seg interessert i å nytta hytta før torsdag  (1 dag før helga), kl. 19.00, kan hytta leigast ut etter prinsippet "først til mølla".

Vinterferie 2005 (21.2-25.2)+helga før eller etter:

Utleige til markedspris (min kr. 4500 ,  kr. 3500 for medlemer).  Dersom ingen  medlemer har meldt seg interessert innan torsdag 20.januar kl. 19.00, så blir hytta leigd ut til eksterne.
Påskeferie med palmehelg 2005 (18.3-28.3) (kan f.eks. delast i to):

Fordeling skjer torsdag 3.3. kl.19.00 mellom dei som har meldt seg interessert til dess. Etter det skjer tildeling etter prinsippet "først til mølla" eller hyttestyret kan velja å leiga ut komersielt dersom det er ledig tid.

Medlemer i Sunnhordlendingen 2003:
Finn Mortensen, Ingse Andersen, Britt Karin Hegdal, Atle Jan Røyrvik, Knut Skålnes, Atle Tornes, Anne Britt Tornes, Anne Sofie Totland, Olav Bjørgen, Kari Aarbakke, Alf M. Bakke, Inga Tveito, Reidar Rusås,  Reidun Rusås, Kirsti Havikbotn, Lars Olav Tveita, Olav Kvernenes, Per Aga, Gunnbjørg Skålevik.

Referat frå Årsmøte torsdag 3. april 2003 hjå Kirsti og Lars Olav:
Innkalling godkjend.
1. Årsmelding for 2002:
Årsmeldinga var send ut med innkallinga. Årsmeldinga vart opplesen og godkjend.
2. Rekneskap for år 2002:  Rekneskap godkjend.
3. Medlemskontingent. Fastsett til kr. 200,- for 2003.
4. Drift av Sunnabu:
Alle var samde om at dei skulle prøve å bruka hytta meir og få folk til å leiga.. Vi må få til ei dugnadshelg i august/september.
5. Val:
Styret er etter valget:
Formann:             Lars Olav Tveita
Kasserar:             Kirsti Havikbotn
Skrivar:                Per Aga
Styremedlem:      Reidar Rusaas
Varamedlemer: Atle Jan Røyrvik, Britt Karin Hegdal, Inga Tveito
Ettersynsmenn: Per Erik Hanssen og Atle Jan Røyrvik
Råd:
Kjell Matre,         Vald for 1 år
Atle Tornes,         Vald for 2 år
Kari Aarbakka,     Vald for 3 år
Olav Bjørgen,      Vald for 4 år
Anne Sofie Totland, Vald for 5 år
5. Eventuelt: Ingen saker til eventuelt.

Årsmelding for 2003
Aktiviteten i dette året er berre det som har foregått på hytta. Som rekneskapen viser, er det litt betre bruk av hytta dette året.  Men medlemene har ikkje tatt hytta i bruk i den grad som ein kunne vona..
Kjøkkenet er no pussa opp med 2 skuffeseksjonar, eit  gryteskap med karusell og ny benkeplate. Vegger og dører er nymåla og det er komen ny vinduskarm.  Rommet innafor kjøkkenet er måla i lyse fargar, både tak og veggar. Dette er eit prøveprosjekt for å teste korleis vi kan gjera med andre mørke rom. Fleire soverom står for tur for opp-pussing. Men kva med stova? Ein del ny lysarmatur er komen opp både i stova, på soverom og på loftet. Av dugnadsarbeid elles, er det flikka litt med måling (alle endeveggar er nymåla) , taket er lappa litt osv.

Til sommaren må heile hytta få seg eit strøk måling og eine loftsvinduet må skiftast ut. Fleire vindu bør få sprosser. I gangen bør vi få til eit garderobe/tørkeskap.. Fleire graner som tar sola i solkroken bør fellast (etter samråd med Fjellkameratane) og vedskuret ved skykkja må renoverast.

Meldingsblad for Bygdelaget Sunnhordlendingen.  Nr. 1  2003   84. årg 

Innkalling til årsmøte:

 Meld gjerne frå om du kjem på tlf. 55 51 05 88 innan dagen før.

Plan for drift av hytta våren 2002:
 (sjå også  http://home.no.net/lotveita/utleige.htm )

Ei helg kvar månad disponibel for arrangement:

18.-20. januar:                   15.-17. februar:                 28.-30. mars

25.-27. april                      

Alle andre helger prøver vi å leige ut.

Fordeling av hytta skjer slik i sesongen (januar-april):

For utleige ei helg:

Fordeling skjer torsdag kl. 19.00 8 dagar før utleige. Alle som har meldt seg innan den tid, vil bli vurdert. Medlemer har fortrinnsrett.  Dersom ingen har meldt seg, gjeld "først til mølla" etter det tidspunkt. Nytt: Inntil ei helg kvar månad kan "seljast" på førehand utan tidsfrist til eksterne/interne leigetakarar. Hyttestyret kan dermed straks svare ja på forspørsler om hytteleige framover i tid.

Dei helgane hytta står disponibel for medlemer (ei helg kvar månad):

Vinterferie (3.3-7.3)+helga etter:

Utleige til markedspris (min kr. 4500 ,  kr. 3500 for medlemer).  Ingen  medlemer hadde meldt seg interessert innan torsdag 16.januar kl. 19.00, så hytta vart leigt ut til eksterne.
Påskeferie med palmehelg(14.4-21.4) (kan f.eks. delast i to):

Fordeling skjer torsdag 27.3. kl.19.00 mellom dei som har meldt seg interessert til dess. Etter det skjer tildeling etter prinsippet "først til mølla" eller hyttestyret kan velja å leiga ut komersielt dersom det er ledig tid.

Medlemer i Sunnhordlendingen 2002:
Magne Ro, Finn Mortensen, Ingse Andersen, Britt Karin Hegdal, Atle Jan Røyrvik, Knut Skålnes, Atle Tornes, Anne Britt Tornes, Anne Sofie Totland, Eldrid Meling Hanssen, Per Erik Hanssen, Olav Bjørgen, Kari Aarbakke, Alf M. Bakke, Inga Tveito, Reidar Rusås,  Reidun Rusås, Anders Kåre Engevik, Ingvild Tveita Hanssen, Kirsti Havikbotn, Lars Olav Tveita.

Aktiviteten i laget i 2001 var arbeidet med installering av vatn og kloakk  på hytta, finansiering av dette og omframt årsmøte 30.08.01 for å vedta finansieringsordninga. Referat frå dette møtet var sendt ut i eige skriv. Arbeidet med installeringa var også omhandla i dette skrivet. Årsmeldinga vart godkjend.
2. Rekneskap for år 2001: 
Eigenkapital for laget og hytta bør slåast saman. Til neste år sluttar vi med spesifikasjon hovudlag/hytta, avdi det ikkje er annan aktivitet enn hytta.  Rekneskap godkjendt
3. Drift av Sunnabu:
Plan for drift i 2002 vart godkjend. Takstar vart godkjende. Medlemskontingent auka til kr. 200.
4. Val:
Styret er etter valget:
Formann:             Lars Olav Tveita
Kasserar:             Kirsti Havikbotn
Skrivar:                Per Aga
Styremedlem:      Reidar Rusaas
Varamedlemer: Atle Jan Røyrvik, Britt Karin Hegdal, Inga Tveito
Ettersynsmenn: Per Erik Hanssen og Atle Jan Røyrvik
5. Eventuelt: Ingen saker til eventuelt.

Årsmelding for 2002
Aktiviteten i dette året er berre det som har foregått på hytta. Som rekneskapen viser, er det altfor lite bruk av hytta.  Medlemene har ikkje tatt hytta i bruk i den grad som ein kunne vona. Utleige til eksterne er i nokre tilfelle hindra av dei fordelingsreglane vi har praktisert:  Vi har ikkje kunna sagt ja til utleige 3-4 veker fram i tid, og dermed forsvinn interessa.
Dusj og rikeleg med varmt vatn har gjort hytta til eit triveleg alternativ. Men enno står det att ein del ønskjelege oppgraderingar. Kjøkkenet står for tur. Eg har fått tak i 2 skuffeseksjonar og eit  gryteskap med karusell. Dette må monterast til sommaren. Det er kome nytt kjøkkenvindu, heilt nytt husmorvindu og for første gang: kjøkkengardiner. Av dugnadsarbeid elles, er det flikka litt med måling, taket er lappa litt osv. Til sommaren må heile hytta få seg eit strøk måling og eine loftsvinduet må skiftast ut. Fleire vindu bør få sprosser. I gangen bør vi få til eit garderobe/tørkeskap. Det må vurderast å få stova lysare i fargen. Fleire graner som tar sola i solkroken bør fellast (etter samråd med Fjellkameratane).

Meldingsblad for Bygdelaget Sunnhordlendingen nr. 2 2002  83. årgang.

Referat frå årsmøtet 2002  19.01.02 på Sunnabu.
Innkalling godkjend
Sak 1. Årsmelding for 2001. Aktiviteten i 2001 har vore arbeidet med installering av vatn og kloakk på hytta, finansiering av dette og omframt årsmøte 31.08.01 for å vedta finansieringsordning. Referat frå dette møtet er sendt ut. Arbeidet med installering starta med legging av røyr til hyttevegg i juli (Henrik Steine og Røyrleggjar Netteland), fjerning av snurredass og graving og tilrettelegging under hytta (Lars Olav), klargjering for elektrisk arbeid og innvendig røyrleggjararbeid (Reidar og Lars Olav) i september, røyrleggjararbeid (Netteland) og elektikararbeid (Nordheimsund Elektro og Kvam Kraftlag) i oktober, tildekking av grøfter og montering av dusjkabinett (Lars Olav) i oktober/november, tilkopling av vaskar (Lars Olav) i desember og januar. Det kom inn tilsegner om yting av lån frå medlemene på tilsaman kr. 80 000,- i løpet av september/oktober. Lånekontraktar vart sende ut 11.11.01. 

Sak 2. Rekneskap for 2001. Eigenkapitalen for laget og hytta bør slåast saman. Rekneskapen vart godkjend.

Sak 3. Drift av Sunnabu. Plan for drift våren 2002 godkjend. Takstar godkjende. Medlemskontingenten var ikkje sett opp som eiga sak. Men for å sikre drifta i 2002 må medlemskontingenten aukast. Vedtak: Ny medlemskontingent Kr. 200 for 2002. Må takast opp som eiga sak neste årsmøte. 

Sak 4. Val:
Formann: Lars Olav Tveita
Kassastyrar: Kirsti Havikbotn
Skrivar:   Per Aga
Styremedlem: Reidar Rusaas
Varamedlemer: Atle Jan Røyrvik, Britt Karin Hegdal, Inga Tveito

Ettersynsmenn: Per Erik Hanssen, Atle Jan Røyrvik

Sak 5. Eventuelt. Ingen saker til eventuelt.

Desse var tilstades på årsmøtet:
Anne Sofie Totland, Inga Tveito, Kari Aarbakke, Lars Olav Tveita

Meldingsblad for Bygdelaget Sunnhordlendingen.    Nr. 1  2002   83. årg 

Innkalling til årsmøte:

Etter årsmøtet lagar vi oss ein tradisjonell hyttemiddag av det kvar har med.  Framlegg til meny: Biff eller kotelettar, poteter og tilbehør.

Årsmøtet er så tidleg at dei som må heim om kvelden, kan nå det.

Plan for drift av hytta våren 2002: (sjå også http://home.no.net/lotveita/utleige.htm 

Ei helg kvar månad disponibel for arrangement:

18.-20. januar:                       Årsmøte på hytta lørdag 19.1.

15.-17. februar:                     Sunnabu-treff med litt dugnad

15.-17. mars:                         Sunnabu-renn

26.-28. april:                          Vårtreff .

Alle andre helger prøver vi å leige ut.

Fordeling av hytta skjer slik:

For utleige ei helg:

Fordeling skjer torsdag kl. 19.00 8 dagar før utleige. Alle som har meldt seg innan den tid, vil bli vurdert. Medlemer har fortrinnsrett.  Dersom ingen har meldt seg, gjeld "først til mølla" etter det tidspunkt.

Dei helgane hytta står disponibel for medlemer (ei helg kvar månad):

Vinterferie (24.2-1.3)+ei helg før eller etter (kan evt. delast i to):

Utleige til markedspris (min. kr. 4000 ,  kr. 3500 for medlemer).  Dersom medlemer har meldt seg interessert innan torsdag 17.januar kl. 19.00, vil hytta bli fordelt då. Dersom ikkje, vil vi prøve å få til utleige på annan måte.

Påskeferie med palmehelg(22.3-1.4) (kan f.eks. delast i to):

Fordeling skjer torsdag 14.3. kl.19.00 mellom dei som har meldt seg interessert til dess. Etter det skjer tildeling etter prinsippet "først til mølla" eller hyttestyret kan velja å leiga ut komersielt dersom det er ledig tid.

Medlemer i Sunnhordlendingen 2001:

Hjalmar Tvedt,  Britt Hegdal,  Gunnbjørg Valved, Harald Valved, Alf M. Bakke, Magne Ro, Per Erik Hanssen, Eldrid Meling Hanssen, Anne Sofie Totland,  Olav Bjørgen, Britt Bjørgen, Anders K. Engevik, Helge Eldevik,  Finn Mortensen , Ingse Andersen,        Olav Kvernenes, Reidun Rusås, Reidar Rusås,    Kirsti Havikbotn, Lars Olav Tveita, Inga Tveito, Jan Magne Helland, Kari Aarbakke,  Atle Jan Røyrvik, Per Aga, Anne Britt Tornes, Atle Tornes, Åse-Liv Tveita Hanssen, Ingvild Tveita Hanssen, Åshild Tveita Hanssen, Ragnhild Tveita Hanssen, Knut Skålnes

Referat frå Årsmøte 13.02.01 hjå Eldrid og Per Erik:

Innkalling godkjend.
1. Årsmelding var send ut med innkallinga. Årsmeldinga vart godkjend.
2. Rekneskap for år 2000 vart kodkjendt.
3. Hytta: Styret skal sende ut invitasjon til medlemene om å investere i andeler for totalt kr. 60 000,- for innlegging av vatn og kloakk.
4. Val: Styret vart attvald. Ettersynsmenn vart attvalde.
Styret er:
Formann:               Lars Olav Tveita
Kasserar:               Kirsti Havikbotn
Skrivar:                  Per Erik Hanssen
Styremedlem:        Reidar Rusaas
Varamedlemer: Inga Tveito, Britt Karin Hegdal, Ingse Andersen

Ettersynsmenn: Per Erik Hanssen og Reidar Rusaas

5. Eventuelt: Styret bør vurdere auke av medlemskontingent til Kr. 150,-.

Referat frå Omframt årsmøte 30.08.01 hjå Kirsti og Lars Olav.

Innkallinga vart godkjend.

Sak 1: Andelsordning for innlegging av vatn og kloakk på Sunnabu. Formannen orienterte om utsendt skriv frå styret og refererte skriv frå Gunnbjørg Valved og Atle og Anne Britt Tornes. Formannen refererte brev som var sendt som svar til Gunnbjørg. Nytt framlegg frå styret vart presentert: Dei som yter rentefritt lån på Kr. 10 000,- vil få tildelt ei veke pr. år i lavsesongen, 10. mai - 20.desember. Det var ein del diskusjon om dei også skulle ha ein viss fortrinnsrett i høgsesongen. Det vart vedteke samrøystes å sende ut framlegget utan fortrinnsrett til medlemene med invitasjon til teikning av lån. Reglar for drift og finansiering av Sunnabu vart dermed vedtekne samrøystes. Dei må godkjennast av Rådet. Det vart vedteke samrøystes å oppta lån frå medlemer på inntil Kr. 100 000,-.

Meldingssblad for Bygdelaget Sunnhordlendingen Nr. 2 2001. 82. årg.

Sunnabunytt.
Siste nytt:
04.11.01:
Styremøte, (også hyttestyremøte), dugnad og informasjonsmøte på Sunnabu,  laurdag 17. november kl. 15.00.  Dugnaden går heile dagen. Saker: Drifta av hytta, nye hyttetakstar, rutiner for utleige og framlegg til justert medlemskontingent.

Ved synfaring med elektrikar vart vi samde om at stigekabel og hovedsikringar måtte skiftast ut. Så no har vi 40 A, og kan bruke så mykje straum som vi har råd til. Den nye kursen til badet måtte ha jordfeilbrytar, og ein av dei gamle automatsikringane måtte skiftast ut. Så dermed var elektrikarrekningen også fordobla i høve til overslaget. Kraftlaget har spandert ny målar på oss, så no er kroneautomaten historie.